إزاي تكسّر الأرقام دي وتحقق أفضل منها على لينكدإن؟

في السطور دي حابب أكلمك شوية عن لينكدإن وإزاي تحقق أرقام عليه توصلّك لمعدل ضخم من الفرص سواء عمل أو تدريب أو استشارات، من خلال تطوير حسابك وشبكة علاقاتك على لينكدإن. الحكاية بتبدأ من إن خلال 28 يوم حساب لينكدإن الخاص بي ظهر أكتر من 142 ألف مرة الحمدلله..وأنا حابب أقولك على نصائح سريعة تعملها عشان توصل لنتائج أفضل وأفضل ✍️

1) اهتم بتحسين حسابك على منصة لينكدإن

تقدر تعمل optimization للـ sections المهمة في حسابك زي:

About, Experience, headline, banner, profile picture, creator mode, URL.

النقطة دي بتفرق كتير والأبطال اللي شرفونا في LinkedIn Hooking Workshop وطبقوا اللي قولناه حققوا نتائج أفضل.

2) جرب كتير، عشان تعرف ايه الأنسب وإيه لأ، التجربة والأخطاء بتعلّم كتير..

وده في العموم مش على لينكدإن بس. 

3) إيه مختلف عندك؟

اكتشف نفسك أكتر وحدد نقاط مميزة ليك تكون كـ USP تتحرّك من خلالها وتظهرها في المحتوى الخاص بيك.

4) متنساش الـ power of comment 

اهتم بالتعليقات عند زملائك والمؤثرين في المجال بتاعك.

شارك في التعليق خبراتك وتفاعل معاهم، كل تعليق بيمثل فرص ظهور ليك أكتر 

5) بتعرف تحكي قصص؟

حتى لو مش بتعرف مش مشكلة، لإن اللي هطلبه منك انك تدي انطباع Personal شوية للمحتوى، مش مجرد نصائح أو خطوات..

قرّب للناس أكتر وقرّبهم ليك، لما بدأت اعمل ده وأبني networking حقيقي على المنصة فرق معايا جدًا. وفي ناس هتستنى المحتوى بتاعك، عشان عليه اسمك قبل ما يشوفوا ايه المكتوب!

6) اهتم بالـ Carousels والـ Votes جدًا

لازم يكونوا ضمن خطة المحتوى الخاصة بيك أسبوعيًا وشهريًا.

7) استخدم الهاشتاجات الأقرب للمحتوى اللي بتقدمه. ممكن تستخدم من 3 لـ 5 هاشتاجات كفاية.

8) ادعم المحتوى بالكلمات المفتاحية، لإن ده بيساعد خوارزميات منصة لينكدإن توصّل محتواك بشكل أكبر وتقيّمه كويس.

9) دايمًا حاول في أول كام ساعة بعد ما تنزل أي بوست تكون متفاعل.. لازم في أول فترة بعد النسر لينكدإن يقرأ إن المحتوى ده مفيد ويساعد على نشره

ده ممكن يساعد إن المحتوى يظل في انتشار وتفاعل لمدة تتجاوز الشهر واتنين!

10) النصيحة اللي بقولها دايمًا 

Don't be shy to try

متتكسفش تجرب، مهما كانت خبرتك.. جرّب يا صديقي، محدش بيوصل غير لما يجرب ويغلط.