عزيزي الكريتڤ، إيه الحل مع الكرييتڤ بلوك؟

عزيزي الكرييتڤ، إيه الحل مع الـ Creative block

اللي بيجيلك كل شوية؟ 

خليني أقولك إن الكرييتڤ بلوك زي ما هو أسوأ عدو ليك كـ كرييتڤ، لكن هو برضو نتيجة طبيعية ومنطقية جدًا!

نتيجة ضغط الشغل، نفسيّتك، مُدخلات كتيرة أدت لتشتت.. وأسباب تانية كتير. لكن ممكن تتغلب عليه، أو تحجّم تأثيره، بـ 3 خطوات تعالى نمشيهم سوا.. ⏳️

1- مرحلة الـCollecting

بداية الحل إنك تبدأ تجمّع كل الأفكار والـ Row Materials اللي تساعدك أيا كان مصادر.. سواء Blogs, Surveys, Social Media, E-books وأي مصادر تانية هتفيدك..

جمّع أفكار كتير تخدّم على الـ Objective بتاعك وتديك أفكار مناسبة للـ Persona اللي بتكلمها.

2. الـPuzzling 

فاكر لما كنا لا نحمل همًا ونخلص مدرسة ونرجع نلعب؟ في المرحلة إحنا هنلعب Puzzle

وباختصار إنت هتبدأ تكوّن أفكار مختلفة من كل المعلومات والـRow Materials اللي انت جمعتها في الخطوة اللي فاتت..

تحدد إيه يمشي مع إيه ؟

ممكن إيه قبل وإيه بعد؟

إيه اللي ناقص الفكرة دي عشان تكمل فندوّر أكتر.. وهكذا.

وده عشان ندخل على مرحلة:

3- مرحلة الـ Excluding ( الاستبعاد ) 

إنت جمّعت كل الأفكار، ووصّلتها لبعض، يبقى فاضل إيه؟

بالظبط كده..

تبدأ تفلتر الأفكار والمخرجات دي

وتشوف إيه ينفع نكمل ونبني عليه

وإيه ممكن يستنى شوية

وإيه نستبعده خالص!

⚠️ وبجــانـب كل هذه الخطوات..

حابب أقولك إنه مهم جدًا إنك تـ Take your mind off أو بطريقة تانية، شِد الفيشة، أوقات كتير لازم تشد فيشة مخك وتريّحه شوية، يعني ممكن تقوم تشرب قهوة، تسمع مزيكا، تعمل activity معين..

حتى لو مفيش وقت لكده، ممكن ترتاح 5 دقايق وانت مغمض عينك، المهم إنك تاخد عقلك في حتة تانية يرتاح فيها ويقدر يديك مخرجات زي الأول.